الرحلة
رحلتي من زيادة الوزن إلى بطل الاتحاد الدولي لكمال الأجسام للطبيعيين! اسمي أحمد البسيوني، مدرب شخصي وبطل كمال أجسام، ودي كانت نهاية رحلة طويل من التعب والاصرار والتحدي.
سنة 2005، كنت ماشي في مسار مختلف تماما وهو الهندسة المدنية وزي أي شاب طموح سعيت لفرصة شغل أفضل في دبي، حسيت وقتها أني بقيت حر على المستوى المهني ولكن للأسف على المستوى الصحي كنت مسجون جوه جسم بيعاني من زيادة الوزن وبالتالي خالي من الصحة والحيوية والقوام الممشوق،فقررت أني أحسن من شكلي وبدأت رحلتي بجهود فردية ذاتية بحتة تماما
اتعلمت كل حاجة تخص التغذية الجيدة والتدريبات، وحققت أول إنجاز بأني نزلت من 120 كجم إلى 50 كجم، ولكن ده دخلني في مرحلة تانية غير صحية برضو وهي النحافة الشديدة وجسم خالي تماما من الكتلة العضلية
ومن هنا ركزت أكتر على اني تعلم يعني ايه نظام غذائي متوازن مع التمارين المناسبة عشان تبني جسم صحي، ومع شوية إصرار و تصميم زيادة قدرت اني احقق لجسمي الكتلة العضلية المناسبة ونسبة الدهون الصحية.
ودي كانت نقطة تحول مش بس لجسمي ولكن لأدراكي مفاتيح اللعبة وان مش سهل ابدا انك توصل للمعلومات دي لوحدك وعشان كده قررت اني اساعد اي حد عايز يغير شكل جسمه أو يحسن صحته بأني أوفر عليه نص الطريق بتقديم المعلومات اللي وصلتلها
وفعلا اخدت عهد ما بيني وبين نفسي أني أوصلهم بسلام لأول الطريق وأحفزهم في نص الطريق لو الإرادة قررت أنها تخذلك.
