رؤيتي
أني أكون صديقك الصدوق خلال رحتلك للوصول لجسم أقوى وصحة أحسن أو أنك تبقي رياضي محترف
مهمتي
تقديم برامج تغذية وتمارين تناسب روتينك اليومي وأهدافك من غير ما تحس بأي قيود أو عوائق بسبب تفاصيل معقدة أو غير واقعية.
أخلاقيات اللعبة
1- البرنامج شبهك : مفيش برامج بنعملها أنا وفريقي شبه الثانية ، كل عميل لازم ندرس بدقة كل شيء عنه: قدرتك على التحمل، و الوزن، و تفضيلاتك الغذائية، عشان في الاخر نوصل لخطة التغذية المناسبة ومعززة ببرامج التمرين المثالية ليك.
2- الجانب النفسي : انت مش انسان الي والنجاح عمره ما كان بيمشي على وتيرة ثابتة كلنا بشر، رحلتك هتبقى مليانة هبوط وصعود، أنا دايما هبقى بدعمك من غير لوم أو تأنيب ضمير ولكن دوري أني أشدك تاني لمسار النجاح عشان هدفك اللي مستنيك.
3 -القبول : كل الأهداف مرحب بها، أحنا مختلفين وبالتالي أهدافنا مختلفة، سواء هدفك هو إنقاص الوزن، أو تحسين حالتك المزاجية، أو الهروب من التزامات الحياة، أو حتى مجرد أنك تاخد سيلفي وانت بتتمرن كل الأهداف مقبولة من غير إلقاء احكام أو مواعظ، أنت في مكان آمن فكل الطرق تؤدي إلى نمط حياة صحي ومتوازن.
4 - شبهك عشان أنا خضت نفس التجربة سواء أني كنت تخين زيادة عن اللزوم أو رفيع زيادة فأنا عارف تحديات المرحلتين وهبقي فاهم مشاعرك كويس لأني متولدتش بعضلات وجسم رياضي أنا زيك وشبهك ولو أنا وصلت أكيد انت هتوصل
قسم اللعبة
أنا الكابتن أحمد البسيوني، أتعهد بإظهار الجانب اللذيذ الشيق من التدريب والنظام الغذائي، بعيدا عن الطرق المملة اللي كلنا بنزهق منها عشان توصل لأسلوب حياة صحي ومتوازن وأنت مستمتع.
دلوقتى جاهز انك تستكشف الوجه الاخر من الحياة الصحية وتتمرن زي أبطال كمال الأجسام؟
